Na lagrimas di nos sentimentus
Izisti un so isperansa
Izisti un so horizonti
Ki ta sinaliza markas di nos sunhus
É un viaje ki nu ta fazi
Na sulpultura di nos loukura
Na kampu di deseju nos é un so
Un so distinu
Un so korason
Pa mar leva isperansa
Dexam vivi nes loukura
Pa mar leva sodadi
Dexam vivi na inkitudi di lembransa
Si pam vivi ku tontura
na amargura
Dexam ankura
Di madrugada
Na bu brasus
Si txuba ben
La in ta vivi
La in ta simia
La ta kodji
La nos futuru sta garantidu
Si pam vivi dexam...
Si pam vivi completam...
Pa mar leva isperansa
Dexam vivi na es loukura
Pa mar leva sodadi
Dexam vivi na inkitudi di lembransa
Na meiu di nhas angustia
Abo é ternura
Ka izisti distansia
Ki ta separanu
Si pam vivi assim
Dexam vivi na es loukura
Pa mar leva sodadi
Deixam vivi na inkitudi di lembransa
Adilson Pinto - 30-11-2017
Mais textos
Rss do autor
Estatísticas
Enviar
Imprimir
Criar um pdf
